NordPass ընկերությունը հրապարակել է այն ոչ անվտանգ գաղտնաաբառերը, որոնք մարդիկ օգտագործել են 2019 թ.-ին: Փորձագետները պարզաբանել են, որ հավաքել են ցանց արտահոսած 500 միլիոն գաղտաբառերից բաղկացած բազա և ի հայտ բերել դրանցից ամենից անհուսալիները:
Ամենատարածված խոցելի նշանաբառերի թվում հայտնվել են նրանք, որոնք բաղկացած են թվերի պարզ համակցություններից (12345,111111,123321) կամ տառերի զուգակցություններից, որոնք ուղղահայաց կամ հորիզոնական գիծ են կազմել QWERTY-ստեղնաշարի վրա (asdfghjkl, qazwsx, 1qaz2wsx):
Փորձագետները նշել են, որ անվտանգ չէ որպես նշանաբառ իգական սեռի տարածված անուններն օգտագործելը: Պարզվել է, որ 800 հազարից ավելի մարդ օգտագործում է «password» գաղտնաաբառը, որը նույնպես հուսալի չԷ:
Բացի այդ, ցուցակում հայտնվել են այնպիսի պարզունակ գաղտնաբառեր, ինչպիսիք են՝ «iloveyou»-ը, «test»-ը, «princess»-ը, «sunshine»-ը, «monkey»-ը, «family»-ը, «football»-ը: Մասնագետների խոսքով՝ խոցելի նշանաբառերի թոփում այս տարի հայտնվել են այն նույն համակցությունները, ինչ և անցյալ տարի: Նրանք բացատրել են, որ դրա պատճառն այն է, որ մարդիկ չեն ցանկանում հիշել երկար ու բարդ նշանաբառեր, ինչպես նաև համարում են, որ իրենք թաքցնելու բան չունեն: