Թուրքիայի վարչապետ Ռեջեփ Թայիփ Էրդողանը հայտարարել է, որ Սիրիայից փախստականների թիվը, որոնք հատել են հանրապետության սահմանը, «մոտենում է մեկ միլիոնի»: Այս մասին նա ասել է խորհրդարանում իշխող կուսակցության խմբակցության անդամների առջև ելույթի ժամանակ, հայտնում է ITAR-TASS-ը:
Նա հայտարարել է, որ Թուրքիան կշարունակի օգնել և աջակցել երկիր եկած բոլոր սիրիացիներին:
Ավելի վաղ արտակարգ իրավիճակների վարչությունը ևս հայտնել էր, որ «սիրիացի փախստականների թիվը գերազանցել է 900 000-ը և մոտենում է մեկ միլիոնին»: Միևնույն ժամանակ, հատուկ ճամբարներում և վրանային տարածքներում մնում է 244 000 սիրիացի: Մնացածները տեղավորվել են Սիրիայի տարբեր քաղաքներում:
Ճամբարներին և փախստականներին օգնության համար հատկացված գումարը կազմել է 2,5 մլրդ դոլար:
