Այսօր չինական պաշտոնական լրատվամիջոցներն ընդունել են, որ երկրի հյուսիսարևելյան սահմանների մոտ հայտնաբերվել է հսկայական նավթաբիծ, որի մեծությունը կազմում է 4250 քառակուսի կիլոմետր, ինչը հավասար է Սինգապուրի տարածքի վեցապատիկին: Այս մասին հաղորդում է France Presse գործակալությունը:
Չինաստանի պետական օվկիանոսագիտական վարչությունը հայտարարել է, որ պատրաստվում է պահանջել բնությանը հասցված վնասի փոխհատուցում, սակայն չի կարողացել հստակ գումար ասել: Մասնագետները հստակ չգիտեն նաև, թե որտեղից է նավթի արտահոսքը: Այս շրջանում գործում են մի քանի նավթահանքեր, որոնք կառավարվում են ամերիկյան ConocoPhillips և չինական պետական CNOOC ընկերությունների կողմից:
Չինական ընկերության ներկայացուցիչներն արդեն ասել են, որ «արտահոսքը գտնվում է վերահսկողության տակ», իսկ ConocoPhillips-ից ասել են, որ այն դադարեցվել է: Չինասատնի իշխանությունների որոշմամբ, դադարեցվել է երկու նավթահանքերից վառելիքի արդյունահանումը: Չինաստանում այս տեղեկությունը լուրջ քննարկումների տեղիք է տվել, որին մասնակացում են ինչպես կանաչները, այնպես էլ բազմաթիվ հասարական քաղաքացիներ և նույնիսկ պետական լրատվամիջոցներ:
