Tuesday, 19 03 2024
Նիկոլ Փաշինյանի բազմիմաստ խաղը Տավուշում
«Կովկասում ազդեցությունն ընդլայնելու ՆԱՏՕ-ի փորձերը կայունություն չեն ավելացնի տարածաշրջանում». Պեսկով
Ցավոք, Ադրբեջանի պատճառով քարտեզների ընտրության պայմանավորվածություն դեռևս ձեռք չի բերվել
Խոսքը հայկական գյուղերին չի վերաբերում. Հովիկ Աղազարյանը՝ Տավուշի 4 գյուղերի մասին
«Մանրամասներ»․ Դավիթ Ստեփանյանի հետ
Կենտրոնական բանկը՝ Հայաստանում ռուսական «МИР» քարտերի սպասարկման մասին
Ողբերգական վթար Սյունիքի մարզում. մեքենայի հրդեհվելու հետևանքով զոհվել է 4 հոգի, այդ թվում 11-ամյա երեխա
Չարենցավանի կամրջի մոտ մեքենաներ են բախվել
Վահագն Խաչատուրյանը շնորհավորական ուղերձ է հղել Վլադիմիր Պուտինին
Լուրերի օրվա թողարկում 14։00
14:00
Live. «Առաջին լրատվական» տեղեկատվական-վերլուծական կենտրոն
Ակնկալում ենք ՆԱՏՕ-ի աջակցությունը ՀՀ-Ադրբեջան խաղաղության գործընթացին. Փաշինյան
ՆԱՏՕ-ն աջակցում է Հայաստանի ինքնիշխանությանը և տարածքային ամբողջականությանը. գլխավոր քարտուղար
Հուսով ենք, որ Հայաստան-ՆԱՏՕ նոր ձևաչափով գործունեության ծրագիրը շուտով կհաստատվի
Եթե ամեն հուշարձանի համար մեկ հսկող կցենք, ապա կունենանք ավելի շատ հուշարձան, քան՝ մարդկային ռեսուրս
Սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն
Մենք կկորցնենք մեր բոլոր սահմանները, եթե մտանք նոր սահման գծելու տրամաբանության մեջ. Փաշինյան
Էն որ ասում են` Տավուշի գյուղերը ուզում է տա, էս մարզում Խրեմլու անունով գյուղ կա՞, ո՞վ է ղեկավարը
Ծառը կոտրվել ու ընկել է մեքենայի վրա
Վարդենիսում էլ ենք դպրոց սարքում, ու թող էլ չասեն՝ էս ինչ բանը փակում են, որովհետև տալիս են
Կասե՞ք ի վերջո, էդ «Fly Arna»-ն ի՞նչ եղավ, փակվե՞ց, լիցենզիան ավարտվե՞ց. Գաբրիելյանը` փոխնախարարին
««Պատիվ ունեմ» խմբակցությունը ներկա է, բայց չի գրանցվում». ԱԺ-ն քվորում չապահովեց
ՔՊ նորընտիր պատգամավոր Դավիթ Կարապետյանը ԱԺ ամբիոնից երդվեց
Շփման գիծը փոխում ենք սահմանով, կարող է զորքերի փոխարեն դիրքերում լինեն սահմանապահներ. Փաշինյան
Ժողովու’րդ, ձեր հարցերի պատասխանները գտնելու ենք, հիմա, թողեք ոտք-ոտք քայլենք առաջ. Փաշինյան
Սահմանագծման և սահմանազատման գործընթացը կսկսենք Բաղանիսից Բերքաբեր ընկած էդ տարածքից. Փաշինյան
13:00
«Եթե խաղաղություն ենք ուզում, պետք է պատրաստվենք պատերազմի»․ Շառլ Միշելի հոդվածը
Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը
«Տաշիր» առևտրի կենտրոնը մասնակի փակվել է
Տրոլեյբուսը հայտնվել է խրամուղում. շինարարը կտուգանվի

Պայթող փուչիկներ և գազով լեցուն օդապարիկներ. Նոր Հայաստանի գինն ու արժեքը

Երևանի քաղաքապետարանի շուրջ ներդրումա-շեյխային աղմուկը ունեցավ ոչ միայն տեսարանա-ժամանցային, այլ նաև շատ կոնկրետ քաղաքական ազդեցություն կամ հետևանք, էական հարված հասցնելով «Բարգավաճ Հայաստան» կուսակցության նախագահ Ծառուկյանի «համաշխարհային կապերի» իմիջին: Պարզվեց, որ այդ կապերը այնքան էլ գահաժառանգային մակարդակի չեն, կամ գահաժառանգային մակարդակի կապերն այնքան էլ չեն արտացոլվում կամ հենվում կոնկրետ ներդրումային հեռանկարների վրա: Ինչպես ամեն փայլուն բան ոսկի չէ, այդպես էլ ամեն արաբական հագուստ կրող ֆունկցիոներ շեյխ կամ գահաժառանգ չէ:

Քաղաքապետարանի շուրջ աղմուկը ԲՀԿ սխալ հաշվարկն էր, որը հավակնում է լինել ընդհուպ ճակատագրական սխալ: Դրա գիտակցումն է պատճառը, որ կուսակցությունը բավականին արագ և կտրուկ դադարեցրեց դիմակայությունը, թե՞ նաև վարչապետ Փաշինյանի կոշտ հակադարձումը Գագիկ Ծառուկյանին պատկանող կոնցեռնի տնօրենի ձերբակալության ու «Հյուսիս-հարավ» մայրուղին կթու կովի նման քամելու վերաբերյալ, այդուհանդերձ ակնառու է, որ «Բարգավաճ Հայաստանը» կանգնել է ներքաղաքական առանցքային առերեսման իրողության առաջ: Միևնույն ժամանակ, ներքաղաքական այդ առերեսումներին զուգահեռ, պետք է ընդունել, որ հեղափոխությունից առաջ էլ, հետո էլ շարունակում է ներդրումների անհրաժեշտության՝ կենսական անհրաժեշտության հանգամանքի հետ առերեսման մեջ լինել Հայաստանի տնտեսությունը: Եվ եթե հեղափոխությունից առաջ պարզ էր, թե ինչու չկային խոշոր ներդրումներ, և որտեղից էր հնարավոր ինչ-որ բան սպասել Կարեն Կարապետյանի ռուսաստանահայ ներդրող աջակիցներից, ապա հեղափոխությունից հետո, իհարկե, բոլորովին այլ իրողություններ են, միաժամանակ ներդրումների նույն կենսական անհրաժեշտությունը, և նույնիսկ ավելին:

Ավելին, որովհետև խորքային առումով հեղափոխությունից հետո օբյեկտիվորեն բարձրացել է Հայաստանի միջազգային վարկը, միջազգային դերակատարումը, ըստ այդմ նաև միջազգային պատասխանատվությունը՝ հնարավորություններին զուգահեռ: Իսկ դա էլ ավելի է բարձրացնում կարողությունների անհրաժեշտությունը, որովհետև Հայաստանի աճող դերն ու հեղինակությունը պաստառներ չեն, որ փակցվում են միջազգային ասպարեզում: Դրանք գործոններ են մեր պետական-ազգային խնդիրների և անվտանգային հարցերի լուծման ճանապարհին, որոնք, սակայն, կենսունակ լինելու համար պահանջում են էական սպասարկում: Իսկ էական սպասարկումը պահանջում է տնտեսական կարողություններ: Իհարկե, դրանք ամենևին չեն նշանակում ներդրումներ ամեն գնով, ասենք՝ Երևանի կենտրոնի հետ կապված որևէ քմահաճույքի կամ կարծրատիպի գնով:

Այդուամենայնիվ, ներդրումների հարցը ամենահրատապներից է նոր Հայաստանի համար, և այստեղ պետք է նկատի առնել, որ խոսքը խոշոր ներդրումների անհրաժեշտության մասին է: Այն տնտեսական էֆեկտը, որ ստացվում է բյուջեն չգողանալուց, կոռուպցիայի դեմ պայքարից, ստվերի դեմ պայքարից, անկասկած շոշափելի է, ողջունելի, այն վերածվում է մի շարք սոցիալական և տնտեսական գործողությունների, որոնք չեն իրականացվել տարիներով, թեև տարիների կուտակման հետևանք են:

Այդուհանդերձ պետք է արձանագրել, որ այդ ռեսուրսը բավականին սուղ է իր ժամկետային էֆեկտի առումով և մուլտիպլիկատիվ էֆեկտով հանդերձ, ինքնին Հայաստանի տնտեսա-քաղաքական, ռազմա-քաղաքական և անվտանգային մարտահրավերների, գլոբալ մրցունակության տեսանկյունից պահանջվում է շատ ավելի մեծ տնտեսական ներարկում և ծավալ: Դա պետք է լինի մեր ներքաղաքական օրակարգի թիվ մեկ թեմաներից մեկը, մեր քաղաքական բանավեճի թիվ մեկ առարկաներից մեկը: Ընդ որում, ինչպես Արցախի հարցում, այստեղ էլ պոպուլիզմի և շահարկումների հանգամանքը խիստ վտանգավոր է և դրա փոխարեն անհրաժեշտ է առարկայական քննարկում: Դա նշանակում է, որ քաղաքական կյանքի մասնակիցները պետք է ներդրումների մասին տրաֆարետային դիտարկումները փոխարինեն գաղափարական, արժեհամակարգային, քաղաքակրթական հայեցակարգերի հետ փոխկապակցված մոդելների շրջանառությամբ: Որովհետև Հայաստանի պարագայում տնտեսական դասական տեսությունները չեն աշխատելու, մի շարք քաղաքական և անվտանգային իրողությունների բերումով: Հայաստանի պարագայում ներդրումային հոսքը պահանջելու է ոչ միայն տնտեսական, այլ տնտեսա-ռազմա-քաղաքական մոդելավորում առնվազն: Մի բան, որը գործնականում բացակայում է հայաստանյան ներքաղաքական օրակարգից, տեղը ինչպես միշտ զիջելով ոչինչ չասող տրաֆարետներին: Այդ իմաստով, հանրային-քաղաքական կյանքի առողջացման տեսանկյունից քաղաքապետարանի շուրջ առաջացած տեսարանային պատմությունը, այդուհանդերձ, ունի թերևս իր էֆեկտը, սակայն հաստատապես անբավարար, որովհետև պայթած փուչիկներին զուգահեռ, Հայաստանին անհրաժեշտ են գազով լեցուն օդապարիկներ:

Բաժիններ
Ուղիղ
Լրահոս
Որոնում