The Hollywood Reporter-ի ամերիկացի կինոքննադատ Թոդ Մաքքարթին ռուսաստանցի ռեժիսոր Անդրեյ Զվյագինցևի «Լեվիաֆան» ֆիլմն ընդգրկել է տասնամյակի լավագույն ֆիլմերի ցանկում, հայտնում է THR-ը:
«Լավագույն օտարալեզու ֆիլմ» անվանակարգում 2014-ին «Օսկարի» առաջադրված ֆիլմը վարկանիշի վեցերորդ տեղում է:
2010-ից թողարկված տաս լավագույն ֆիլմերի վարկանիշում առաջին տեղը զբաղեցրել է «Կառլոս» դրամատիկ մինի-սերիալը (2010 թ.), երկրորդը՝ Դեվիդ Ֆինչերի «Սոցիալական ցանց»-ն է (2010 թ.), իսկ երրորդը՝ Քոհեն եղբայրների «Լյուին Դեվիսի ներսում» երաժշտական ժապավենը (2013 թ.):
Թոդ Մաքքարթիի ցանկում ներառվել են նաև «Կգոյատևեն միայն սիրեկանները» (2013), «Աղախինը» (2016), «Մի անգամ Հոլիվուդում» (2019), «Բրուքլին» (2015) ֆիլմերը: