Մի քանի տասնյակ գրողներ, գիտնականներ և այլ հասարակական գործիչներ քննադատել են Միացյալ Թագավորության վարչապետ Դևիդ Քեմերոնին «Բրիտանիան քրիստոնեական երկիր է» արտահայտության համար: The Telegraph-ին փոխանցված նամակը ստորագրել են 55 հայտնի անձինք:
Նրանք հայտարարել են Մեծ Բրիտանիան որպես քրիստոնեական երկիր դիտարկելու կոչի անթույլատրելիության մասին: Նամակի հեղինակները կարծում են նաև, որ կառավարության անդամները չունեն այս կամ այն կրոնին նախապատվություն տալու իրավունք, և որ կրոնը չի կարելի խառնել քաղաքականության հետ:
Քեմերոնին դատապարտող ուղերձը ստորագրել են գրողներ Ֆիլիպ Պուլմանը և Թերի Պարտչետը, բժշկության և ֆիզիոլոգիայի ոլորտի Նոբելյան դափնեկիր Ջոն Սալսթոնը և քիմիայի ոլորտում Նոբելյան դափնեկիր Հարոլդ Կրոտոն:
«Մենք ընդօրինակում ենք ամերիկյան շատ բաներ, սակայն ես կարծում եմ, որ դա շատ վատ գաղափար է»,- ասել է Պուլմանը:
