Ֆլորիդայի բնակիչ Քենեթ Բորդը մատանին կորցրել էր 1971-ին, լողափում, ավարտական երեկայի ժամանակ: Եվ գրեթե 50 տարի անց մատանին վերադարձել է նրա մոտ, գրում է UPI-ն:
Երիտասարդը կորուստը հայտնաբերել էր միայն հաջորդ օրը: Մեկ տարի անց Բորդը գնել էր նույնպիսի մատանի, բայց շուտով դա էլ էր կորցրել:
Դրանից 49 տարի անց ամերիկացի Ջերի Պոուպը մետաղորսիչով Մելբուռն-Բիչ լողափը հետազոտելու ժամանակ հայտնաբերել է հին մատանին: Տղամարդը լուսանկարել է զարդը և նկարները տեղադրել Facebook-ում:
Գրառումը պատահաբար տեսել է Ջեյք Ուայթը, այն դպրոցի համակարգողը, որտեղ սովորել էր Քենեթ Բորդը: Ուայթը անվանատառերով ճանաչել է, թե ում է պատկանում մատանին, և այդ մասին տեղեկացրել է Պոուպին:
Շատ շուտով, մատանու սեփականատերը և այն հայտնաբերողը կհանդիպեն:
