«Վրաստանը կրթության մակարդակով եղել և առայսօր շարունակում է վերջին տեղում մնալ Եվրոպայում: Իսկ բոլորովին վերջերս նախկին իշխանությունների ներկայացուցիչները նշում էին, որ մենք լավագույն կրթությունն ունենք: Արդյունքում մենք ստացանք այն, որ կրթության համակարգը գործնականում լիովին քանդված է»,- նախօրեին հայտարարել է Վրաստանի վարչապետ Իրակլի Ղարիբաշվիլին կառավարության հերթական նիստի ժամանակ: Այս մասին հաղորդում է Gruziya Online-ը:
Վարչապետի խոսքով՝ Վրաստանի կառավարությունը շատ բան ունի անելու և վերափոխելու: Վրաստանի կառավարությունը բարեփոխումներ է սկսել այդ ոլորտում:
«Մեզ օգնում է Համաշխարհային բանկը, «Հազարամյակի մարտահրավերներ» հիմնադրամը, որը այս տարի մեզ կհատկացնի 140 մլն դոլար»,- նշել է վարչապետը:
