Այսօր՝ դեկտեմբերի 3-ին, Ազգային ժողովում հայտարարությունների ժամին «Իմ քայլը» խմբակցության պատգամավոր Սոնա Ղազարյանը անդրադարձավ «Լուսավոր Հայաստան» խմբակցության ղեկավար Էդմոն Մարուքյանի՝ քննիչ հանձնաժողով ստեղծելու նախաձեռնությանը, «որը ըստ էության ունենալու էր ավագանու լիազորություններ: Մեջս երկու միտք առաջացավ. Էդմոն Մարուքյանը այլևս չի վստահում «Լույս» խմբակցության իր գործընկերներին և որոշել է օգնության հասնել: Եվ երկրորդ՝ պատգամավոր Մարուքյանը կառավարությունում գեթ մեկ կոռուպցիոն սխեմա չհայտնաբերելու պարագայում և իր քաղաքական վարկանիշը բարձր պահելու համար փորձել է ներխուժել քաղաքապետարան, որտեղ նա հույս ունի գրանցել գեթ մեկ կոռուպցիոն նախաձեռնություն»:
Նա Մարուքյանին առաջարկեց գնալ «իր մոտ այդքան լավ ստացվող երրորդ ճանապարհ գտնելու ուղղությամբ»:
Սոնա Ղազարյանը, դիմելով բավականին «ռիսկով» քաղաքական ուժերին, ընդգծեց. «Թեկուզ անսահման քանակությամբ «ԿամԱԶ»-ներ նվիրելու պարագայում էլ նրանց անօրինական շինարարությունը չէր շարունակվի՝ թեկուզ այն բոլորին հայտնի «Կեմպինսկի» հյուրանոցն է»:
Մանրամասները՝ տեսանյութում: