Google ընկերության հիմնադիրներից Լարի Փեյթը երեկ հայտարարել է, որ վերջերս գործարկված Google+ սոցցանցն արդեն ունի 10 միլիոն օգտատեր: «Ավելի քան 10 միլիոն մարդ միացել է «Google+»-ին: Սա մեծ ձեռքբերում է ընկերության համար»,- ասել է Փեյջը:
Նա տեղեկացրել է, որ «Google+»-ի օգտատերերն ամեն օր փոխանակում են ավելի քան մեկ միլիարդ հաղորդագրություն: Հեղինակները նորից շեշտել են, որ հունիսի 28-ին գործարկված ցանցը գործում է թեստային ռեժիմով, և այս պահին դրան կարելի է անդամագրվել միայն հրավերքների օգնությամբ:
Ինչպես իր բլոգում գրել է Google-ի ինժեներային հետազոտությունների հարցով փոխնախագահ Վիք Գանդոտրան, այժմյան փոխանակումները շատ անհարմար են, և իրենք պատրաստվում են դա փոխել:
Նա նշել է, որ ցանցը հնարավորություն է տալիս ստեղծել շրջանակներ՝ ըստ շահերի, հետաքրքրությունների և այլն։ «Մենք կցանկանայինք իրական շփման բոլոր առանձնահատկություններն ու հարստությունը հաղորդել մեր համակարգին»,- ասել է նա: Աշխարհի ամենամեծ սոցիալական ցանցին՝ Facebook-ին ուղղված հիմնական մեղադրանքներից մեկն էլ այն է, որ բոլոր փոփոխությունները հասանելի են օգտատիրոջ բոլոր ընկերներին: Իսկ հատուկ խմբեր ստեղծելն էլ բավական դժվար պրոցես է: