LinkedIn գործարար սոցցանցում գրանցված օգտատերերի թիվը հասել է 300 միլիոնի: Մի քանի ամիս առաջ, երբ ընկերությունը հայտնեց 2013-ի չորրորդ եռամսյակի ֆինանսական արդյունքների մասին, նրանց թիվը 277 միլիոն էր: Վերջին 15 ամիսներին կայքում գրանցվել է 100 մլն մարդ կամ ամսական՝ 6.7 մլն: Այս մասին հայտնում է Vesti-ն՝ հղում անելով պաշտոնական հաղորդագրությանը:
LinkedIn-ի լսարանի ճնշող մեծամասնությունը կազմում են օտարերկրացիները: ԱՄՆ-ին է բաժին ընկնում կայքի օգտատիրական բազայի 1/3-ը՝ 100 մլն:
LinkedIn-ի ավագ փոխնախագահ Դիպ Նիշարի խոսքով՝ սմարթֆոններին է բաժին ընկնում սոցցանցի թրաֆիքի ավելի քան կեսը:
Նիշարն ընդգծել է նաև, որ սմարթֆոններից ու պլանշետներից ամեն օր ուսումնասիրվում են 15 մլն պրոֆիլներ և 1.45 մլն աշխատատեղեր, ավելի քան 200 երկրներում հրապարակվում է աշխատանքի մասին 44 հազար հայտարարություն:
Կայքի օտատերերի 56 տոկոսը տղամարդիկ են, 44 տոկոսը՝ կանայք: ԱՄՆ-ից հետո կայքում ակտիվությամբ երկրորդ տեղում Հնդկաստանի քաղաքացիներն են: Երրորդ հորիզոնականում բրազիլացիներն են, նրանց հաջորդում են բրիտանացիներն ու կանադացիները:
