Լուսնի ուղեծրում իր աշխատանքներն է ավարտել ամերիկյան ավտոմատացված կայանը: Այս մասին է NASA-ին մեջբերելով՝ գրում է ITAR-TASS-ը:
Այս կայանը 5,8 հազար կմ/ժ արագությամբ ծրագրավորված բախվել է Լուսնի հետ: LADEE անվանումով սարքավորումը Լուսնի մութ կողմի վրա է ընկել: Ինչպես հաղորդում են NASA-ից՝ կայանի մի մասը պետք է մինչև Լուսին հասնելը ոչնչանար, իսկ մյուս մասի կտորները հավանաբար հայտնվել են Լուսնի ոչ խորը խառնարաններում, գրում են փորձագետները:
Այս առաքելության գլխավոր նպատակը Լուսնի մթնոլորտի, դրա մակերևույթի փոշու ուսումնասիրություններն են:
LADEE-ի ճանապարհորդությունը դեպի Լուսին 30 օր է տևել: Մեկ ամիս էլ տևել են սարքավորման հետ լազերային կապ հաստատելու աշխատանքները, որից հետո այն սկսել է տեղեկատվություն հաղորդել Երկրի բնական արբանյակի բաղադրության, լուսնային փոշու մասին: Գիտական տվյալները կայանը սկսել է հավաքել նոյեմբերի 6-ից սկսած:
