Լիբիայի առաջնորդ Մուամար Քադաֆին Ֆրանսիայի նախագահ Նիկոլա Սարկոզիին «հոգեկան հիվանդ է» անվանել՝ մեղադրելով նրան ռազմական հանցագործությունների մեջ: Այս մասին հաղորդում է France Presse գործակալությունը: Քադաֆիի կարծիքով՝ Ֆրանսիայի նախագահի գործողությունները, որը գլխավորեց խաչակրաց պատերազմն ընդդեմ իր (լիբիական.- 1in.am) ժողովրդի, ներքաշեց Ֆրանսիային անիմաստ պատերազմի մեջ:
Արևելյան Տրիպոլիում բարձրախոսների միջոցով տարածված խոսքում Քադաֆին ասել է, որ եկել է վճռական ճակատամարտի ժամանակը, և իր կողմնակիցներին կոչ է արել պատրաստվել Բենղազիի ու Միսրատայի վրա արշավելուն։ Այդ քաղաքներn արդեն մի քանի ամիս է՝ գտնվում են ապստամբների ձեռքում:
Այս պատերազմի ժամանակ Ֆրանսիայի իշխանությունների մասին առաջին անգամ չէ, որ հիշատակվում են: ՆԱՏՕ-ի ռազմական գործողությունները սկսելուց առաջ Քադաֆիի որդին՝ Սայֆ Ալ-Իսլամը, հայտարարեց, որ Քադաֆիների ընտանիքը ժամանակին ֆինանսավորել է Նիկոլա Սարկոզիի նախընտրական արշավը: Նա խոստացավ հրապարակել համապատասխան փաստաթղթեր, սակայն ցայսօր դա չի արել:
