«Պատմության մեջ հազարումի բան է տեղի ունեցել՝ խնդիրն այն է, թե ինչ նպատակ են այսօր իրենց աոաջ դնում ազգերը՝ մորթել և տեղահանե՞լ հարևաններին, թե՞ փորձել ապրել նրանց կողքին: Ես, հայերի մեծամասնության նման, ոչ մի կասկած չունեմ, որ Թուրքիան և Ադրբեջանը մեր հարցում հետապնդում են հենց այդ՝ աոաջին նպատակը: Երբ նրանք համոզիչ կերպով ապացուցեն, որ իրենց նպատակն այլ է, ինձ համար, համենայնդեպս, «կարգավորման մեխանիզմները» երկրորդական կդառնան»,- գրում է «Առավոտ»-ի խմբագիրը և հավելում.
«Ազգի «որակների» վերաբերյալ բանավեճն ընդհանրապես ծիծաղելի է: Ի՞նչ տարբերություն՝ ազգը ձևավորվել և պետություն է ունեցել 10 հազա՞ր, թե՞ 10 տարի աոաջ: Կարևորն այն է, որ այդ ազգը այս պահին կա, և նրան պետք է հարգել բոլոր մնացած ազգերի նման:
Ինչո՞վ է, այնուամենայնիվ, բացատրվում մեր և ադրբեջանցիների բանավեճի տխուր մակարդակը: Բարեկամներիցս մեկը տվեց դրա մասնակի պատասխանը՝ մենք այնքան ենք խորացել անցյալի մեջ, որ ուժ չունենք մտածելու ապագայի մասին»: