ԱՄՆ ՊՆ Հեռանկարային հետազոտական նախագծերի վարչությունը (DARPA) հայտարարել է հետազոտական անօդաչու սարքերի հնացած տարբերակների գործառույթների ընդլայնման մտադրության մասին: Ինչպես հայտնում է Nextgov-ը, խոսքը բորտային համակարգերի մասին է, որոնք զինվորականներին մարտի դաշտում կապահովեն բարձր արագությամբ անլար Wi-Fi կապով:
Ինչպես սպասվում է, նման համակարգեր առաջինը կստանան RQ-7 Shadow անօդաչուները: Հասանելիության յուրաքանչյուր կետ կարող է զինվորականներին կապով ապահովել մինչև 50 կմ հեռավորության վրա: Տեխնիկական մանրամասներ չեն հաղորդվում: Հետագայում ծրագրվում է կապի արագությունը հասցնել վայրկյանում 1 գբ-ի:
Կապի կետային ապահովման հնարավորությունն իրականացվել է ծրագրի առաջին փուլի շրջանակում: Հետագայում ծրագրվում է հասանելիության կետեր տեղակայել զրահամեքենաներում:
