Ինչպես այսօր գրում է The Washington Times-ը, ԱՄՆ վարչակազմի և անձամբ Բարաք Օբամայի վարկանիշն օրեցօր ընկնում է, և հիմա ավելի ցածր է, քան նրա նախորդի՝ ջորջ Բուշ կրտսերի և նրա թիմի վարկանիշներ: Այս մասին են վկայում Արաբական ամերիկյան Ինստիտուտի անցկացրած հետազոտությունները:
Եգիպտոսում, Հորդանանում, Լիբանանում, Մարոկոյում, Սաուդյան Արաբիայում և Արաբական Միացյալ Էմիրություններում 4 հազար հարցվածներից մեծամասնությունը նշել է, որ Բարաք Օբաման չարդարացրեց այն հույսերը, որ նրա հետ կապում էին այդ երկրները, և չկատարեց այն խոստումները, որոնք տրվել էին Կահիրեում 2009թ. հունիսի 4-ի իր հայտնի ելույթի ժամանակ: Այն ժամանակ նա հայտարարել էր «նոր դարաշրջանի սկզբի մասին» ԱՄՆ և իսլամական աշխարհի փոխհարաբերություններում և կոչ էր արել վերջ դնել փոխադարձ կասկածանքներին և վեճերին:
Ամենաշատը Օբամայից հիասթափվել են Լիբանանում, որտեղ միայն մեկ տոկոսն է կարծում, որ Օբաման արել է այն, ինչ խոստացել էր: ԱՄՆ-ին ամենաշատը չեն սիրում Եգիպտոսում, որտեղ միայն 5%-ն է այդ երկրին դրական վերաբերում: Համեմատության համար նշվում է, որ Ջորջ Բուշի նախագահության վերջին տարում այդ թիվը կազմում էր 9%: Ամենամեծ աջակցությունն ԱՄՆ-ն ունի Սաուդյան Արաբիայում՝ մոտ 30%:
Ամենամեծ հիասթափությունը կապված է արաբաիսրայելյան հակամարտությունում նրա վարած քաղքականության հետ: Բեն Լադենի ոչնչացումն առանձնակի առավելություններ չի ապահովել Օբամայի համար: Վերոնշյալ երկրներում հարցվածների մեծ մասը բացասաբար են արտահայտվել ԱՄՆ կողմից անցկացված այդ օպերացիայի վերաբերյալ:
