Գերմանիայում Հանովերի բժշկական դպրոցի մասնագետներն առաջարկում են առցանց գնումներից կախում ունեցող մարդկանց հոգեկան խանգարումներով հիվանդներ ճանաչել:
Այս մասին գրում է The Times պարբերականը:
Հետազոտությունների արդյունքում գիտնականները պարզել են, որ որոշ մարդիկ հակված են անպիտան իրեր գնել նույնիսկ այն դեպքում, եթե դրանից հետո ֆինանսական խնդիրներ և դեպրեսիա է սկսվում: Նրանց կարծիքով՝ սրանք «կոմպուլսիվ շոփինգի» նշաններ են, որոնք մարդիկ չեն կարողանում վերահսկել:
Հետազոտության մեջ նշվում է, որ շատ խանութներ են մեծ կարողություն վաստակել «հոգեկան խանգարումներով» մարդկանց վրա, որոնք հիվանդ են շոպոհոլիզմով:
Նշվում է, որ գնումներից կախվածություն ավելի հաճախ երիտասարդներն ունեն: Մասնագետները հավելել են, որ զարգացած երկրներում չափահասների մոտ 5%-ը տառապում է այս խանգարումով: Նրանք կոչ են արել շոպոհոլիզմը հոգեկան խանգարում ճանաչել:
