Այսօր՝ նոյեմբերի 13-ին, Ազգային ժողովը շարունակում է աշխատանքը: ԱԺ-Կառավարություն հարցուպատասխանի ժամանակ «Իմ քայլը» խմբակցության պատգամավոր Քրիստինե Պողոսյանի հարցն առնչվում էր Մել Դալուզյանի մասին ֆիլմի նկարահանման համար հատկացված 20 մլն դրամին:
«Ֆիլմը մի մարդու մասին է, որը Եվրոպայի եռակի չեմպիոն է և ռեկորդակիր է, և նրա շնորհիվ ՀՀ դրոշը 3 անգամ բարձրացել է, և 3 անգամ հնչել է ՀՀ հիմնը»,- հայտարարեց վարչապետ Փաշինյանը՝ հավելելով, որ մարդը ունի խնդիրներ և հասել է ինքնասպանության եզրին:
«Այսինքն՝ եթե մարդը համապատասխանում է մեր պատկերացումներին, ծիծակ կոշիկներ է հագնում, մենք իր հետ պրոբլեմ չունենք, բայց երբ նա տառապանք ունի, ստիպում ենք, որ նա թողնի-գնա իր երկրից և իրա վրա խա՞չ ենք քաշում: Երբ ինքը չեմպիոն է, կնկարվենք հետը, երբ պրոբլեմ ունի, մենք քեզ հետ պրոբլեմ չունենք, հա՞: Իմ պատկերացումը էդպիսին չի: Կեցցեն իրենք՝ ես շատ գոհ եմ, որ ֆինանսավորվել է այդ ֆիլմը, թեև տեղյակ չեմ եղել: Դա լափամանից զրկվածների պրոպագանդա է: Էդ թալանչիներին ես թույլ չեմ տա ՀՀ դրոշը բարձրացրած մարդուն գցեն ոտքերի տակ. էդ մարդը իմ անձնական պաշտպանության ներքո է»:
Մանրամասները՝ տեսանյութում: