Ուկրաինական ծագմամբ հայտնի կինոդերասանուհի Միլա Յովովիչը զարմացրել է երկրպագուներին իր ամուսնու՝ բրիտանական ռեժիսոր և սցենարիստ Փոլ Անդերսոնի հետ իր ինտիմ կյանքի մասին անկեղծ խոստովանություններով, գրում է US Weekly պարբերականը:
43-ամյա Յովովիչը և 54-ամյա Անդերսոնը երկու դուստր ունեն՝ 12 տարեկան Էվերն ու 4 տարեկան Դեշիելը:
Աստղը պատմել է, որ երեխաները սիրում են իր հետ նույն սենյակում քնել և դա, ըստ նրա, բացարձակ նորմալ է: Աստղի խոսքերով՝ այդպես է «մոլորակի մարդկանց 99 տոկոսի մոտ»:
«Որոշ գյուղերում երեխաները քնում են իրենց ծնողների, տատիկների ու պապիկների հետ նույն սենյակում: Երբ մենք Փոլի հետ աշխատում ենք, մինչև օրվա վերջ չենք տեսնում երեխաներին, այդ պատճառով էլ այդքան կարևոր է գոնե գիշերը միասին լինելը»,- պատմել է դերասանուհին:
Նա ասել է, որ ամուսնու հետ այլևս անկողնում սեքսով չեն զբաղվում: Նա նաև նշել է, որ չի հրաժարվում իր ամուսնու հետ ինտիմ կյանքից: Առանձնանալու և սեքսով զբաղվելու համար զույգը հյուրանոցներում համարներ է վերցնում կամ էլ առանձնանում է տան զգեստապահարանի սենյակում, որը բավական մեծ է և ձայնամեկուսիչ պատեր ունի:
