ԱՄՆ հետախուզական ծառայությունների աշխատանքը գաղտնազերծող հոդվածները, որոնք հրապարակվել են բրիտանական The Guardian և ամերիկյան The Washington Post թերթերում, ժամանակակից ժողովրդավարության կատարելագործման մեջ կարևոր ներդրում ունեցան: Այդ պարբերականների՝ Պուլիտցերյան մրցանակ ստանալու առնչությամբ նման կարծիք է հայտնել ԿՀՎ նախկին աշխատակից Էդվարդ Սնոուդենը: Այս մասին տեղեկացնում է ITAR-TASS-ը:
Նրա կարծիքով՝ թերթերին նման մրցանակ շնորհելը «պաշտպանում է յուրաքանչյուրին, ով կարծում է, թե հասարակությունը դեր է խաղում կառավարությունում»:
«Այդ որոշումը հիշեցնում է մեզ, որ ազատ մամուլը կարող է փոխել այն, ինչն ի վիճակի չէ փոխել ոչ մի անհատական միտք»,- կարծում է Սնոուդենը՝ հավելելով, որ իր ջանքերն անիմաստ կլինեին «առանց այդ թերթերի վարպետության»:
