Իրանի Իսլամական Հանրապետությունը ունի ուրանը մինչև 90%-ով հարստացնելու իրավունք: Նման կարծիք է հայտնել Իրանի Ատոմային էներգիայի կազմակերպության ղեկավար Ալի Աքբար Սալեհին, հայտնում է ITAR-TASS-ը:
«Մենք կարծում ենք, որ մեր երկիրն ունի նույնպիսի իրավունքներ, որքան Միջուկային զենքի չտարածման պայմանագրի մասնակիցները: Դա նշանակում է, որ մենք ունենք ուրանը 1-ից մինչև 90 տոկոս հարստացնելու իրավունք»,- ասել է Սալեհին:
Սալեհիի խոսքով՝ Իրանը համաձայնել է կրճատել ուրանի հարստացման իր ծրագիրը մինչև 5% մակարդակում «բացառապես որպես կամավորական քայլ Ժնևի համաձայնագրի շրջանակում»:
Նա նաև պատմել է Իրանի պլանների մասին՝ մոտակա տարիներին կառուցել ևս 4 ատոմային էլեկտրակայաններ:
