Ավստրալիայի Բրունի կղզու բնակչուհին մարդու ուղեղ հիշեցնող խորհրդավոր արարածի լուսանկար է տեղադրել սոցցանցում, հայտնում է The Sun-ը:
Նրա խոսքերով, երբ նա դիպել է արարածին՝ ձեռքը թմրել է:
Կինը հավելել է, որ սա միակ դեպքը չէ, երբ նա նման կենդանու է հանդիպել:
«Կարո՞ղ է ինչ-որ մեկն ինձ ասել, թե ինչ է սա: Ես և մայրիկս շարունակում ենք տեսնել դրանց լողափում»,- գրել է նա Facebook-ում՝ կցելով լուսանկարը:
Թասմանյան թանգարանի և արվեստի պատկերասրահի անողնաշարավորների կենսաբանության կուրատոր դոկտոր Սայմոն Գրոուվան կարծում է, որ այդ արարածը, ամենայն հավանականությամբ, ասցիդիա է: Նրա խոսքերով, դա անողնաշարավոր կենդանի է, որն ապրում է օվկիանոսներում:
Դրանք ապրում են ինչ-որ բանի կպչելով:
Միևնույն ժամանակ, ոմանք ենթադրել են, որ դրանք կարող են ծովային փետուրներ (Pennatulacea) լինել, կենդանի, որին դիպչելուց վերջույթները կարող են թմրել:
