Իսրայելցի քաղաքական գործիչները իրենց երկրի իշխանություններին կոչ են անում ճանաչել Հայոց ցեղասպանությունը՝ հետևելով ԱՄՆ Ներկայացուցիչների պալատի օրինակին: Մասնավորապես, նման կոչով հանդես է եկել Իսրայելի ՆԳ նախկին նախարար Գիդեոն Սաարը՝ «Լիկուդ» կուսակցությունից: Այս մասին նա գրառում է արել թվիթերյան իր էջում: «Ողջունում եմ ԱՄՆ Ներկայացուցիչների պալատի բարոյական և սկզբունքային դիրքորոշումը 100 տարի առաջ հայերի զանգվածային ջարդը ցեղասպանություն ճանաչելու համար»,-գրել է քաղաքական գործիչը՝ կոչ անելով Իսրայելին հստակեցնել իր դիրքորոշումը: Սաարն օգտագործել է #genocide հեշթեգը: «Կապույտներ և սպիտակներ» կուսակցության առաջնորդներից մեկը՝ Յաիր Լապիդը, Թվիթերում գրել է, որ ԱՄՆ Ներկայացուցիչների պալատի կողմից Հայոց ցեղասպանության ճանաչումը ուղղված է պատմական արդարության և ճշմարտության վերականգնմանը: «Չպետք է թույլ տալ, որ Թուրքիան ահաբեկի աշխարհը՝ ժխտելով Ցեղասպանությունը: Կպայքարեմ, որ Իսրայելը ճանաչի Հայոց ցեղասպանությունը»,- գրել է նա:
I welcome the moral and principled stance of the US House of Representatives in recognizing the mass killing of #Armenians 100 years ago as #genocide. Israel should make similarly clear its recognition of this terrible atrocity.
— גדעון סער (@gidonsaar) October 30, 2019