«Առհասարակ Սերժ Սարգսյանի ասելիքները ներկա իշխանության վերաբերյալ, ՀՀ-ում տիրող քաղաքական, տնտեսական կամ այլ իրավիճակների վերաբերյալ մեկնաբանությունները, իմ կարծիքով, տեղին չեն: Սերժ Սարգսյանը չէ, որ պետք է մեկնաբանի քաղաքական իշխանության գործողությունները կամ առհասարակ Հայաստանում տիրող իրավիճակը: Սերժ Սարգսյանի ժամանակն անցել է, և թերևս 2018-ի ապրիլի 23-ին վերջ դրվեց Սերժ Սարգսյանի և իր խմբի իշխանությանը Հայաստանում»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Արթուր Հովհաննիսյանը:
Նրա խոսքով՝ ոչ միայն Սերժ Սարգսյանը, այլ մի շարք ՀՀԿ-ականներ վերլուծություններով են հանդես գալիս.«Եկել է ձեր անելիքների համար պատասխան տալու ժամանակը»:
