Արցախի Հանրապետության խորհրդարանը քվեարկությամբ մերժեց Սամվել Բաբայանի կողմնակիցների կողմից ներկայացված սահմանադրական փոփոխությունների փաթեթը, որի ընդունումը հնարավորություն կտար Սամվել Բաբայանին մասնակցելու հաջորդ տարվա գարնանը կայանալիք նախագահական ընտրություններին:
Նախագծին կողմ են քվեարկել չորս պատգամավորներ՝ անկախ պատգամավոր Ռուսլան Իսրայելյանը, «Ազատ հայրենիք» խմբակցության անդամ, խորհրդարանի պետաիրավական հարցերի հանձնաժողովի նախագահ Հովիկ Ջիվանյանը, «Շարժում 88» կուսակցության անդամ Գագիկ Բաղունցը և Հայկ Խանումյանը: Նախագծին դեմ են քվեարկել 25 պատգամավորներ: Այն ընդունվելու համար անհրաժեշտ էր պատգամավորների երկու երրորդի հավանությունը: