Հանրային հեռուստատեսությունն արդեն այսօր աշխատում է հանրության համար: Այս մասին, այսօր՝ հոկտեմբերի 31-ին, ԱԺ-ում լրագրողների հետ զրույցում նշեց Հանրային հեռուստառադիոընկերության խորհրդի նախագահ, ռեժիսոր Արա Շիրինյանը։
Հարցին, թե ինչու է Մարգարիտա Գրիգորյանը շարունակում մնա «Հ1»-ի գործադիր տնօրեն՝ հաշվի առնելով, որ նախկին իշխանությունների օրոք Հանրայինն իր գործառույթը պատշաճ չի կատարել, եւ արդյոք ճիշտ են խոսակցությունները, որ նրա հովանավորը փոխվարչապետ Մհեր Գրիգորյանն է, Շիրինյանը պատասխանեց. «Մարգարիտա Գրիգորյանը շարունակում է աշխատել, որովհետեւ նա ապահովում է այդ կառույցի բնականոն աշխատանքը եւ բավարար չափով արդյունք է ցույց տալիս: Ես շատ գոհ եմ նրա աշխատանքից»:
