Մադրիդի «Ռեալ»-ի դարպասապահ Իկեր Կասիլյասը հույս ունի, որ թիմի առաջատար Քրիշտիանու Ռոնալդուն հնարավորինս շուտ կվերականգնվի ստացած վնասվածքից հետո: Դարպասապահը վստահ է, որ թիմի գլխավոր մարզիչ Կարլո Անչելոտին ելք կգտնի ստեղծված իրավիճակից:
«Կրիշտիանու Ռոնալդուն շատ կարևոր է մեզ համար,- Կասիլյասի խոսքերն է մեջբերում A Bola-ն: – Դաշտում նրա ներկայությունը որոշիչ դեր է խաղում: Նա շատ է անհրաժեշտ թիմին, և ես հույս ունեմ, որ Քրիշտիանուն հնարավորինս շուտ կվերականգնվի: Իսկ մարզիչը դեռևս պետք է փորձի այլ տարբերականեր փնտրել»:
Հիշեցնենք՝ ավելի վաղ հաղորդվում էր, որ Կրիշտիանու Ռոնալդուն, ամենայան հավանականությամբ, բաց կթողնի Իսպանիայի արքայական գավաթի «Բարսելոնա»-ի դեմ ապրիլի 16-ին կայանալիք եզրափակիչը, ինչպես նաև Չեմպիոնների լիգայում «Բավարիա»-ի դեմ կայանալիք առաջին կիսաեզրափակիչ հանդիպումը:
