Հոկտեմբերի 22-ին Սոչիում կայացել է ՌԴ նախագահ Վլադիմիր Պուտինի բանակցությունները Թուրքիայի նախագահ Ռեջեփ Թայիփ Էրդողանի հետ։ Այն տևել է 6 ժամ և ավարտվել է երկու երկրների կողմից ստորագրաված փոխըմբռնման հուշագրով։
Փաստաթղթի համաձայն՝ Ռուսաստանն ու Թուրքիան ընդունում են Սիրիայի միասնության ու ամբողջականության սկզբունքները, ինչպես նաև իրենց պատրաստակամությունն են հայտնում շարունակելու ահաբեկիչների դեմ պայքարը։ Ինչպիսի՞ն են ձեր դիտարկումները․ «Առաջին լրատվական»-ի հարցին ԱԺ «Իմ քայլը» խմբակցության պատգամավոր Տաթևիկ Հայրապետյանը պատասխանեց․ «Ըստ իս՝ Ռուսաստանը, Թուրքիան, ինչպես նաև տարածաշրջանում ակտիվորեն գործող Իրանը Սիրիայի հարցում եկել են որոշակի համաձայնության, մասնավորապես Թուրքիայի հետագա ռազմական գործողությունների և քրդերի հետ կապված։ Թեև քրդերի հետ կապված հարցը, կարծում եմ՝ դեռևս մնում է առկախված։ Այդուհանդերձ, հումանիտար առումով դրական է, որ ռազմական գործողություններ չեն շարունակվի»։
Հաշվի առնելով այն հանգամանքը, որ ռուսական զորքերը Սիրիայում էին գտնվում հենց Բաշար Ասադի խնդրանքով։ Դրա հետ կապված կարո՞ղ ենք փաստել, որ Ռուսաստանի և Թուրքիայի շահերը Սիրիայի հարցում, մեծ հաշվով, չեն համընկնում․ «Առաջին լրատվական»-ի հարցին Միջազգային և անվտանգության հարցերի հայկական ինստիտուտի անվտանգության հարցերի հայկական ինստիտուտի (ՄԱՀՀԻ) փորձագետ, թուրքագետ Հայկ Գաբրիելյանն ասաց․ «Նախ՝ ես էլի եմ խորհուրդ տալիս, որ, ընդհանրապես Ռուսաստան-Թուրքիա հարաբերությունները չդիտարկել հենց այդ տեսանկյունից, այլ ավելի շատ դիտարկել Պուտին-Էրդողան հարաբերությունների տեսանկյունից, քանի որ շատ դեպքերում Ռուսաստանի պետական շահը չի համընկնում Պուտինի անձնական շահի հետ, կամ Թուրքիայի պետական շահը Էրդողանի անձնական շահի հետ։ Ես կարծում եմ, որ Սիրիայի հարցում Պուտինի և Էրդողանի շահերը համընկնում են»։
Մանրամասները՝ տեսանյութում։
