Բրիտանացի Ջոի Ռաունսֆիլդի և նրա զուգընկերոջ սիրո պատմությունը քիչ է մնացել բաժանումով ավարտվի. աղջիկը խանդել է իր երկրպագուին ներքնակի վրայի գովազդային պիտակի հանդեպ:
Իր սիրային դրամայով Ջոին կիսվել է սոցցանցերում: Աղջիկը պատմել է, որ մի օր, գիշերելով իր սիրելիի տանը, նա շուռ է տվել բարձը և ներքնակի վրա երջանիկ ժպիտով գեղեցիկ աղջկա լուսանկար է հայտնաբերել:
Նա տղայի հետ արդեն բավական երկար ժամանակ էր հանդիպում և արդեն մտածում էր, որ նա իր միակն է: Սակայն այս անսպասելի գտածոն բրիտանուհուն հունից հանում է: Խանդոտ աղջիկը մտածում է, որ դա իր ընկերոջ նախկին ընկերուհին է, որը մահացել էր: Ռաունսֆիլդը որոշում է, որ իր զուգընկերը չի կարողանում նրան մոռանալ և նկարը բարձի տակ է պահում:
Սակայն արդյունքում ամեն ինչ այդքան էլ դրամատիկ չի պարզվում: Բարձի տակի նկարի վրայի աղջիկն ընդամենը մոդել էր, ում նկարը օգտագործել էր գովազդի համար ներքնակներ արտադրող ընկերությունը: Ջոիի ընկերը նրան է ուղարկում պիտակի ամբողջական տարբերակը: Արդյունքում զույգը հաշտվել է: