Այսօր, հոկտեմբերի 21-ին, Քիմ Քարդաշյանի 39-րդ տարեդարձն է: Ռեալիթի-շոուի աստղը որոշել է նախապես նշել այս իրադարձությունը. նախօրեին նա իր լավագույն ընկերուհիների հետ երեկույթ է կազմակերպել Փալմ-Սփրինգսի առանձնատանը:
Բազմազավակ մայրն Instagram-ում մի քանի stories է հրապարակել. տեսանյութերից մեկում նա ցուցադրել է, թե ինչպես է Քայլի Ջեներն իրեն դիմահարդարում անում (իհարկե, օգտագործելով KKW Beauty կոսմետիկա), իսկ մյուսում ցուցադրել է փուչիկներով, տոնական վարդագույն գլխարկներով, զվարճալի արևային ակնոցներով և ոսկեգույն տառերով՝ «Happy Birthday, Kim» բառերով զարդարված գեղեցիկ տոնական սեղանը:
Չնայած այն հանգամանքին, որ երեկույթն անցկացվել է Քրիս Ջեների տանը, նա բացակայել է քաղաքից, քանի որ իր 38-ամյա սիրելիի՝ Քորի Գեմբլի հետ մասնակցում էր Ջենիֆեր Լոուրենսի և Քուք Մարոնիի հարսանիքին Ռոդ-Այլենդի ամենաշքեղ առանձնատներից մեկում:
Երևում է, որ ընթրիքից հետո Քիմը և նրա ընկերուհիները զվարճացել են «Խաղաթղթեր բոլորի դեմ» ուրախ խաղով: Առավոտյան Քարդաշյանը կիսվել է տեսանյութով, որում նա արևայրուք է ընդունում լողավազանի մոտ, այնուհետև ընկերուհիներին և քույրերին (40-ամյա Քորթնիին և 35-ամյա Քլոեին) իր Skims ապրանքանիշի ներքնազգեստ և օծանելիք է նվիրում:
Ըստ ամենայնի, հիմնական տոնակատարությունը տեղի է ունենալու այսօր երեկոյան: Եվ, իհարկե, հետաքրքիր է, թե ինչ է նվիրելու Քանյե Ուեսթն իր սիրելի կնոջը:
https://www.instagram.com/p/B305_yJikKR/?utm_source=ig_embed
