Բրիտանական դատարանը կարող է սառեցնել ռուսաստանցի գործարար Ֆարհադ Ահմեդովի ակտիվների մի մասը, հաղորդում է Daily Mail-ը:
Նման հավանական որոշման պատճառն այն է, որ ձեռնարկատերը հրաժարվում է փող վճարել իր նախկին կնոջը՝ Տատյանա Ահմեդովային: Դատարանը մինչ այդ պարտավորեցրել է Ահմեդովին իր կնոջը 450 միլիոն ֆունտ վճարել, սակայն նախկին կինը միայն 5 միլիոն է ստացել: Համաձայն պարբերականի տվյալների՝ Ահմեդովի զբոսանավը 346 միլիոն ֆունտ արժի:
Ահմեդովան հավակնում է նախկին ամուսնու ունեցվածքի 41,5 %-ին:
Տատյանան փաստաթղթեր է ներկայացրել դատարան՝ պահանջելով սառեցնել նախկին ամուսնու ակտիվները: Դատավորը գտնում է, որ ամուսինները հավասար ներդրում ունեն ընտանիքի զարգացման հարցում, բայց ոչ՝ «ձեռք բերված կարողության»: Եթե դատարանը որոշում ընդունի հօգուտ Ահմեդովայի, ապա դա Անգլիայի պատմության մեջ ռեկորդային վճարում է լինելու: