ԱՄՆ նախկին պետքարտուղար Հիլարի Քլինթոնը հրապարակել է խորհրդային առաջնորդ Նիկիտա Խրուշչովին ուղղված կատակ-նամակը, որն իբր գրված է եղել ԱՄՆ 35-րդ նախագահ Ջոն Քենեդիի կողմից: Այս մասին հաղորդում է ՏԱՍՍ-ը:
Ինչպես նշվում է, Քլինթոնը ցույց է տվել նամակն այն բանից հետո, երբ հրապարակվել է ԱՄՆ գործող նախագահ Դոնալդ Թրամփի նամակն ուղղված Թուրքիայի նախագահ Ռեջեփ Թայիփ Էրդողանին:
1962 թվականի հոկտեմբերի 16-ի Քենեդիի նամակում ոչ նորմատիվ բառապաշար է օգտագործված: Նամակում ԱՄՆ նախկին նախագահը խնդրում է Խրուշչովին Կուբայից հանել հրթիռները, որպեսզի բոլորն ուրախանան և նրան լավագույնը համարեն: Եթե նա դա չանի, ապա շատերը ԽՄԿԿ ԿԿ քարտուղարի վերաբերյալ հայհոյանքներով կարտահայտվեն:
«Գտել եմ արխիվներում»,- ասել է Քլինթոնը:
Նամակն ավարտվում է. «Հետո կծնգացնեմ քեզ: Գրկում եմ»,- բառերով
