Tesla Model 3 էլեկտրամոբիլը, որն ընթանում էր ավտոպիլոտ ռեժիմով, կանգ է առել գրիզլի արջի և նրա երկու ձագերի դիմաց: Միջադեպը տեղի է ունեցել ԱՄՆ Մոնտանա նահանգում, գրում է Daily Mail-ը:
Էլեկտրամոբիլի սեփականատեր Էնդրյու Ուիթլը պատմել է, որ գիշերային ճանապարհով ընթացել է 80 կմ/ժ արագությամբ, երբ հանկարծ առջևում նկատել է կենդանիներին: Տեսնելով մոտեցող լույսը, անհանգստացած արջը հրել է քոթոթներից մեկին, որը չի հասցրել անցնել ճանապարհը և պատրաստվել է հարվածն ընդունել իր վրա: Բայց մեքենան կարողացել է ժամանակին կանգ առնել:
«Ավտոպիլոտը ոչ միայն մթության մեջ նկատել էր արջերի ընտանիքին, երբ մեքենան ընթանում էր 80 կմ/ժ արագությամբ, այլև Dashcam գործառույթն այս ամենը տեսանկարահանել էր»,- պատմել է մեքենայի սեփականատերը: