YouTube-ում տեղադրվել է տեսանյութ, որում մի խումբ մարդիկ ձերբակալում ու ծեծում են անհայտ անձի, որի հագին կա «Սոկոլ» («Բազե») ստորաբաժանման համազգեստ: Անհայտ անձը խոսում է անգլերեն, հայտնում է korrespondent.net-ը:
Այն հարցին, թե ով է ինքը, գետնին պառկած տղամարդն ասում է I’m US citizen («Ես ԱՄՆ քաղաքացի եմ»):
Դատելով հոլովակի անվանունից՝ դեպքը տեղի է ունենում Խարկովում: Ոչ մի պաշտոնական հաստատում, թե արդյոք տեսանյութը հավաստի՞ է, չկա:
«Սոկոլը» Ուկրաինայի կազմակերպված հանցավորության դեմ պայքարի հատուկ ստորաբաժանումն է, որի խնդիրն է օպերատիվ հետախուզական միջոցառումների ուժային ապահովումը, որն անցկացվում է կազմակերպված հանցավորության դեմ պայքարի շրջանային վարչության աշխատակիցների կողմից :
