Հրապարակվել են վերջին ամիսների մակրոտենտեսական ցուցանիշները, որոնց շուրջ մասնագիտական տարբեր հարթակներում քննարկումներ են ծավալվում: Թեմայի շուրջ Էկոնոմիկայի նախարար Տիգրան Խաչատրյանն «Առաջին լրատվական»-ի հետ զրույցում անդրադառնալով հարցին, թե արդյոք հրապարակված այդ արդյունքները գոհացուցիչ են, նշեց. «Առայժմ ութ ամիսների տվյալներն են հրապարակվել, մեկ շաբաթ հետո կհրապարակվեն նաև 9-րդ ամսվա ցուցանիշները: Այո թվերը բավականաչափ հուսադրող են. տնտեսական աճը, ակտիվության ցուցանիշը կազմել է մոտ 7 տոկոս»:
«Նոր իշխանությունները դարձյալ օլիգարխների տնտեսական հիմքի վրա են ստեղծված: Այդ սպառման վրա հիմնված մոդելը միշտ առաջ է բերում և արտադրում է օլիգարխիկ համակարգ». անդրադառնալով նախկին վարչապետ Հրանտ Բագրատյանի այս դիտարկմանը և «Առաջին լրատվական»-ի հարցին՝ միթե՞ մեր տնտեսությունն այս հին ակոսով է շարժվում, էկոնոմիկայի նախարարը նշեց, որ այդ կարծիքը ոչ մի ընդհանրություն չունի իրականության հետ: «Եվ այնպես չէ, որ մեր տնտեսությունն սպառման ակոսով է շարժվում, ճիշտ է, մենք այս տարի ունենք արտահանման ավելի ցածր տեմպեր, քան նախորդ տարի, սակայն 4,6 տոկոս արտահանման աճ ենք ունեցել առաջին 8 ամիսներին: Կարող եմ ասել, որ տարին կամփոփենք արտահանման առնվազն 7 տոկոս աճով»:
«2020թ-ի 4,9% տնտեսական աճը համեստ է, բայց պնդում ենք` կլինի ավելին. ունենք պլան Բ»,- ընդգծեց էկոնոմիկայի նախարարը:
Մանրամասն՝ տեսանյութում:
