Netflix հոսքային հարթակը ներկայացրել է այս տարվա առավել սպասված սերիալներից «The Witcher»-ի նոր թիզերը: Ընդամենը քսան վայրկյանի ընթացքում ստեղծողները ցույց են տվել հիմնական հերոսներին և նրանց կախարդական ունակությունները:
Հուլիսին Netflix-ը ցուցադրել է սերիալի առաջին կադրերը: Նույն ամսում հարթակը ներկայացրել է առաջին երկու րոպեանոց թիզերը:
Ի սկզբանե «The Witcher»-ի առաջին եթերաշրջանի պրեմիերան նախատեսվում էր 2020-ին, բայց վերջերս տեղեկություններ են հայտնվել, որ սերիալը թողարկվելու է մինչև այս տարվա վերջ:
«The Witcher» սերիալը լեհ գրող Անջեյ Սապկովսկու ֆանտաստիկ վեպերի շարքի էկրանավորում է: Գլխավոր հերոսը Ռիվիայից կախարդ Գերալդն է, որը պայքարում է հրեշների դեմ: Նա փորձում է գոյատևել մի աշխարհում, որտեղ մարդիկ ավելի չար են, քան հրեշները:
Նախօրեին սագայի հեղինակը հավանություն է տվել իր վեպի էկրանավորմանը:
