Վանդերբիլդի համալսարանի (Նեշվիլ, Թենեսի) հետազոտողները մշակել են ուսումնառությունն արագացնող տեխնոլոգիա: Այս մասին հայտնում է Korrespondent.net-ը:
Գլխին ամրացվում է մարտկոց, որը միացման դեպքում հոսանք է ուղարկում ուղեղի առջևի մաս: Հենց ճակատային գոտին է պատասխանատու սխալների վրա սովորելու գործընթացի համար:
9 վոլտ լարումը երկու կողմերի էլեկտրոդների միջոցով անցնում է գանգ: Դրանցից մեկն ազդանշաններ է ուղարկում, իսկ մյուսը՝ ընդունում: Դրանից հետո փորձի մասնակցին նստեցրել են համակարգչային խաղի առջև և հետևել նրա մտավոր ակտիվությանը:
Այս բացահայտումը մեծ գիտական հեռանկարներ ունի: Գյուտարարների խոսքով՝ այն կարող է օգնել ուշադրության պակասով կամ շիզոֆրենիայով տառապող մարդկանց:
