Եթե երկրի արտահանումն ավելի առաջանցիկ տեմպերով է աճում, քան ներմուծումը, սա խոսում է երկրի մրցունակության մասին։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր, տնտեսագետ Արտակ Մանուկյանը։
Պատգամավորի խոսքով՝ չափազանց կարևոր է, թե մենք ինչ ենք ներմուծում. «Սարքավորումները, որոնց ներմուծումը նշանակում է, որ սրանք ինչ-որ մի պահի մասնակցելու են ընդհանուր արտադրության, ինչու չէ նաև որոշակի դեպքերում ինչպես ներքին սպառման, այնպես էլ արտահանման մասով, էական ավելացում ունենք։ Սա նշանակում է, որ բիզնեսը որոշակի ներդրում է կատարում տեխնոլոգիական փոփոխությունների մասով, և սա ինչ-որ մի պահի նշանակելու է աշխատատեղերի ավելացում, արտահանման էլ ավելի մեծացում և այլն»,-ասաց պատգամավորը։
