Ամերիկացի դերասանուհի Նատալի Փորթմանը կարող է Marvel-ում սեփական գերհերոսական եռերգությունն ստանալ «Թոր. սեր և ամպրոպ» ֆիլմի թողարկումից հետո: Այդ մասին հայտնել է We Got This Covered-ը:
Լրատվամիջոցին մոտ կանգնած աղբյուրը պատմել է, որ ստուդիայում շահագրգռված են, որ «Օսկար» մրցանակի դափնեկիրը խաղա «Թորի» երեք մասում այն բանից հետո, երբ Թայքի Վայթիթիի ժապավենը կավարտի կինոտիեզերքի չորրորդ փուլը:
Թորի մասին պատմող հաջորդ ֆիլմերի գլխավոր դերում Նատալի Փորթմանի լինելու ևս մեկ պատճառը չորրորդ մասից հետո Քրիս Հեմսվորթի հեռանալն է նախագծից:
Նախատեսվում է «Թոր. սեր և ամպրոպ» ժապավենի նկարահանումներին ձեռնամուխ լինել հաջորդ տարվա օգոստոսին:
Կինոնկարը վարձույթում կհայտնվի 2021 թվականի նոյեմբերին՝ հաղորդել է RIA Novosti-ն: