Ռուս-հորդանանյան միջկառավարական համաձայնագիրը Հորդանանում ԱԷԿ-ի կառուցման մասին կպատրաստվի մինչև ամառ: Նախագիծը կդառնա խոշորագույնը երկկողմ հարաբերությունների պատմության մեջ: Նախատեսված է ներդրումների ռեկորդային ծավալ՝ 10 մլրդ դոլար: Այս մասին հայտնում է Vesti-ն:
«ԱԷԿ-ի օբյեկտների կառուցումը նախատեսված է ավարտել մինչև 2020 թվականը»,- նշված է նյութերում, որոնք պատրաստվել են Հորդանանի թագավոր Աբդալլա Երկրորդի հետ Վլադիմիր Պուտինի հանդիպմանը:
Նախագիծը հնարավորություն կտա, որ Հորդանանի էներգետիկ հաշվեկշռում ատոմային էներգիան զբաղեցնի 12-15 տոկոս մասնաբաժին և լիովին ապահովի թագավորության էլեկտրաէներգիայի պահանջները՝ կարծում են երկու կողմերը:
Նախագծի շնորհիվ կլինի նաև այլ պետությունների էլեկտրաէներգիա մատակարարելու հնարավորություն:
2013-ի նոյեմբերին Ռուսաստանը հաղթել է Հորդանանում ԱԷԿ կառուցելու մրցույթում:
ԱԷԿ-ը կկառուցվի անապատում՝ նավթավերամշակման գործարանից և այլ ձեռնարկություններից ոչ հեռու: Առաջին էներգաբլոկը կգործարկվի 2020 թվականին: Հորդանանի կառավարության մասնաբաժինը նախագծում կկազմի 51, իսկ ռուսական կողմինը՝ 49 տոկոս:
