Facebook-ին պատկանող WhatsApp ընկերությունը նոր մոդել է մտածել իր մեսինջերի տարածման համար և սկսել է Գերմանիայում վաճառել SIM-քարտեր՝ հավելվածին անվճար հասանելիությամբ:
Մեկ քարտի համար վճարելով 10 եվրո՝ օգտատերերը հնարավորություն ունեն առանց սահմանափակումների փոխանակվել հաղորդագրություններով, անգամ եթե հաշվի վրա գումար չի մնացել՝ հայտնում է hitech.vesti.ru-ն:
Նախնական գումարը հնարավոր է ծախսել զանգերի (9 եվրոցենտ՝ 1 րոպեի դիմաց), Sms հաղորդագրությունների կամ ինտերնետ-սերֆինգի վրա:
Հաշվի վրա նստեցնելով 10 եվրո՝ բաժանորդները ստանում են 600 «կրեդիտ», որոնք հնարավոր է փոխանակել 1 ՄԲ տվյալներով, զանգերի 1 րոպեով կամ 1 sms-ով:
WhatsApp-ի SIM-քարտի գնումը, սակայն, թույլ չի տալիս խուսափել ամսական 0.99 դոլարի չափով բաժանորդավճարից: Սմարթֆոնի մեսինջերից օգտվելու համար ցանկացած դեպքում ստիպված պետք է լինել հրաժեշտ տալ այդ գումարին:
Դեռ հայտնի չէ՝ արդյոք SIM-քարտին հասանելի՞ է ձայնային չաթը, կամ այդ ծառայության համար պե՞տք է հավելյալ վճարել:
