Անջելինա Ջոլիի և Բրեդ Փիթի որդեգիր դուստրը՝ 14-ամյա Զահարա Ջոլի-Փիթը, պատրաստվում է զարդերի սեփական ապրանքանիշի՝ Zahara Collection-ի թողարկմանը: Ապրանքանիշի զարդերը հասանելի կլինեն նոյեմբերից Saks Fifth Avenue խանութների ցանցում և Միացյալ Նահանգների և Ավստրալիայի այլ ընտրված մանրածախ առևտրի կետերում:
Զահարայի դեբյուտային հավաքածուն կներառի ականջողներ, մատանիներ և ապարանջաններ՝ վարդագույն քվարցով, վարդագույն շափյուղայով և այլ քարերով: Աղջիկը արդեն ցուցադրել է այդ զարդերից մի քանիսը «Մալեֆիսենտա: Խավարի տիրուհին» ֆիլմի լոսանջելեսյան պրեմիերային:
Հավաքածուի վաճառքից ստացված ողջ հասույթը կուղղվի House of Ruth Shelters բարեգործական կազմակերպությանը, որը կացարան է տրամադրում անօթևան կանանց և երեխաներին:
