ՀՀ պաշտպանության նախկին նախարար Վիգեն Սարգսյանի վերաբերյալ քրեական գործը ՀՀ հատուկ քննչական ծառայությունից ուղարկվել է դատախազություն:
ՀՀ ՀՔԾ մամուլի քարտուղար Մարինա Օհանջանյանը Armtimes.com-ի հարցին ի պատասխան ասել է, որ գործը հոկտեմբերի 4-ին է ուղարկվել դատախազություն՝ գործի նկատմամբ հսկողություն իրականացնող դատախազի պահանջով:
ՀՀ գլխավոր դատախազության հանրայաին կապերի բաժնից էլ լրատվամիջոցի հարցմանն ի պատասխան ասել են, որ նախաքննության օրինականության նկատմամբ հսկողություն իրականացնող դատախազի որոշմամբ ՀՀ ՔԿ զինվորական քննչական գլխավոր վարչության հատկապես կարևոր գործերի քննության վարչության քննիչի որոշումը՝ քրեական գործն ըստ քննչական ենթակայության ուղարկելու մասին, վերացվել է և մի շարք անհրաժեշտ քննչական և դատավարական գործողություններ կատարելու անհրաժեշտությամբ պայմանավորված ուղարկվել ՀՀ քննչական կոմիտե՝ հետագա նախաքննությունը շարունակելու համար:
Նշենք, որ սույն գործը հենց Քննչական կոմիտեից էր ուղարկվել ՀՔԾ: Մինչ այդ ՔԿ-ն տղեկացրել էր, որ բավարար ապացույցներ են ձեռք բերվել պաշտպանության նախկին նախարար Վիգեն Սարգսյանին պաշտոնեական լիազորություններն անցնելու դեպքով որպես մեղադրյալ ներգրավելու համար:
Մանրամասները՝ սկզբնաղբյուր կայքում։