Ադրբեջանական Trend լրատվական գործակալության փոխանցմամբ՝ երեկ Շիրվան քաղաքում գրանցվել է միանգամից 4 երկրաշարժ։ Առաջին ցնցումը գրանցվել է տեղական ժամանակով ժամը 06:19-ին՝ քաղաքից 30 կիլոմետր հյուսիս։ Այն ունեցել է 3.8 բալ ուժգնություն և 16 կիլոմետր խորության հիպոկենտրոն։
Երկրորդ երկրաշարժը գրանցվել է 11:42-ին՝ քաղաքից 33 կիլոմետր հյուսիս ընկած վայրում։ Այս անգամ այն ունեցել 3.6 բալ ուժգնություն և 3 կիլոմետր խորություն։
Երրորդ երկրաշարժը տեղի է ունեցել 18:40-ին՝ դարձյալ քաղաքից 30 կիլոմետր հեռավորության վրա։ Երկրաշարժի ուժգնությունը կազմել է 4.2 բալ, խորությունը՝ 4 կիլոմետր։
Վերջապես, չորրորդ երկրաշարժը տեղի է ունեցել դրանից 7 րոպե անց՝ Շիրվանից հյուսիսային ուղղությամբ 38 կիլոմետր հեռավորության վրա։ Այս դեպքում ուժգնությունը կազմել է 3.1 բալ, խորությունը՝ 28 կիլոմետր։
