Ռեժիսոր Ջեյ Ջեյ Աբրամսը սկսել է նկարահանել «Աստղային պատերազմներ» ֆիլմի 7-րդ սերիան, հայտնում է Sky News հեռուստաալիքը՝ հղում անելով Disney Studios-ի նախագահ Ալան Հորնին:
Ավելի վաղ ԶԼՄ-ները հայտնել էին, որ նկարահանումները կսկսվեն մայիսին:
Հորնն ասել է, որ նկարահանումները սկսել են՝ չնայած դերասանների վերջնական կազմն առայժմ հաստատված չէ: Նա հայտնել է, որ ֆիլմը սցենարի հետ կապված խնդիրներ ևս ունի՝ չնայած ինքը «գոհ է վերջնական տաբերակից», որի վրա աշխատել են Լոուրենս Քեզդանը և Ջեյ Ջեյ Աբրամսը:
Հորնի խոսքով՝ նախատեսվում է 7-րդ սերիան, որը դեռ վերնագիր չունի, թողարկել 2015-ի վերջին:
