Երեկ ԱՄՆ նախագահ Բարաք Օբաման հայտարարել է, որ եթե օգոստոսի սկզբին ԱՄՆ-ում դեֆոլտ հայտարարվի, ապա նա չի կարող երաշխավորել թոշակների վճարումները: «Ես չեմ կարող երաշխավորել, որ վճարումները կշարունակվեն: Դա միայն թոշակները չեն, միայն վետերաններին և հաշմանդամներին տրվող վճարումները չեն… Մենք պարզապես գանձարանում կարող է բավարար գումար չունենանք»,- ասել է Օբաման CBS հեռուստաալիքն տված հարցազրույցում:
Ավելի վաղ ԱՄՆ ֆինանսների նախարար Թիմոթի Գայթներն ասել էր, որ ԱՄՆ օգոստոսի 2-ին ստիպված է լինելու դեֆոլտ հայտարարել, եթե Կոնգրեսի հանրապետականները չհամաձայնեն բարձրացնել պետական պարտքի վերին թույլատրելի շեմը: Մինչ այժմ Սպիտակ տան և Կոնգրեսի հանրապետական մեծամասնության միջև բանակցությունները ոչ մի արդյունք չեն տվել:
