Նիգերիայի հյուսիս-արևմուտքում զինված մարդիկ հարձակվել են ինքնապաշտպանության ջոկատների ներկայացուցիչների ու համայնքի ժողովի մասնակիցների վրա: Արդյունքում սպանվել է նվազագույնը 79 մարդ՝ հայտնում է Agence France-Presse-ը:
Խաղաղ հանդիպման ժամանակ մասնակիցները քննարկել են զինված թալանից պաշտպանվելու ու անասունների հափշտակության հարցեր: Նախնական տվյալներով՝ հավաքի մասնակիցների վրա հարձակվել են ֆուլանի ցեղի ներկայացուցիչները, որոնք ապրում են երկրի այդ շրջանում:
Քոչվոր անասնապահ ֆուլանիների ու նիգերիական գյուղերի բնակիչների միջև թշնամանքը կրում է մշտական բնույթ: Վերջին մի քանի տարիներին նման հարձակումների զոհ են դարձել հազարավոր մարդիկ:
