Վերջերս Եղիսաբեթ II թագուհու առողջական վիճակը նկատելիորեն վատացել է: Նրա մոտ սրվել է ծնկի հին վնասվածքը և այժմ թագուհին դժվարությամբ է տեղաշարժվում:
Չնայած ցավին, Եղիսաբեթ II-ը համառորեն հրաժարվում է հոսպիտալացումից և չի ցանկանում բժշկի գնալ, քանի որ հասկանում է, որ նվազագույնը երկու-երեք շաբաթ կարող է շեղվել իր սովորական գրաֆիկից: Ընդ որում, նա հրաժարվել է նաև վիրահատությունից:
Թագուհու հարազատներին դուր չի գալիս նման համառությունը. նրանք կարծում են, որ Եղիսաբեթ II-ը զուր է անտեսում առողջական խնդիրները՝ հատկապես այդպիսի պատկառելի տարիքում:
Եղիսաբեթ II-ը վնասվածք է ստացել 2003-ին, նա ընկել է և պատռել ծնկի կապանները: Այդ ժամանակ թագուհին վիրահատվել է, վերականգնումը երկար ժամանակ է պահանջել, նա նույնիսկ ստիպված է եղել ձեռնափայտով շարժվել, բայց հիմա հին վնասվածքն նորից իրեն զգալ է տալիս: Թագուհին չի թաքցնում, որ հիվանդ ոտքը մեծ անհարմարություններ է առաջացնում, բայց չի շտապում նորից բժշկի դիմել: