Ռուսական Regnum գործակալության փոխանցմամբ՝ Թուրքիան ՆԱՏՕ-ին զգուշացրել է մուսուլմանների համար սրբազան համարվող Ռամադան ամսին Լիբիայում ռազմական գործողությունների իրականացման անցանկալիության մասին։
Անկարան կարծում է, որ Ռամադան ամսին օպերացիաների շարունակումը կարող է հանգեցնել Քադաֆիի պրոպագանդիստական կոչերին։ Օրինակ՝ «Խաչակիրները սուրբ օրերին սպանում են մուսուլմաններին»։ Ռամադան ամսին օպերացիաների շարունակումը կարող է հանգեցնել մուսուլմանական աշխարհի դժգոհությանը։
Լիբիայում ՆԱՏՕ-ի հետագա գործողությունների քննարկման համար Թուրքիա է ժամանելու ՆԱՏՕ-ի գլխավոր քարտուղար Անդերս Ֆոգ Ռասմուսենը։ Վերջինս Անկարայում հանդիպումներ կունենա Լիբիայի անցումային կառավարության ներկայացուցիչների հետ, որոնց հետ քննարկելու է Ռամադան ամսին Լիբիայում ՆԱՏՕ-ի գործողությունները։
Հիշեցնենք, որ Թուրքիան Լիբիայից ետ է կանչել իր դեսպանին՝ փաստորեն խզելով կապերը Քադաֆիի ռեժիմի հետ։