Ռուսաստանի Դաշնության նախագահ Վլադիմիր Պուտինը Եվրասիական տնտեսական գերագույն խորհրդի նիստին մասնակցելու նպատակով Երևան կատարելիք այցի ընթացքում հանդիպել է կալանավորված ՀՀ նախկին նախագահ Ռոբերտ Քոչարյանի կնոջ՝ Բելլա Քոչարյանի հետ: Այդ մասին հայտնում է «Ինտերֆաքսը»՝ հղում անելով աղբյուրին:
Ինչպես նշվում է, հանդիպումը կայացել է Հայաստանի մայրաքաղաքում Ռուսաստանի դեսպանատանը:
Հայտնի է, որ Քոչարյանի գրասենյակի ղեկավար Վիկտոր Սողոմոնյանը հաստատել է հանդիպումը: Այլ մանրամասներ չեն հաղորդվում:
Ռոբերտ Քոչարյանը ՀՀ երկրորդ նախագահն է, նա պետության ղեկավարել է 1998-ի մարտի 30-ից մինչև 2008-ի ապրիլի 9-ը: